Ten years of Marvel Studios Part:1 (தமிழ்)

"You fail to see the endless sky,When you have a tunnel vision.குறுகிய பார்வை இருக்குமாயின்முடிவற்ற வானத்தை உன்னால் பார்க்க இயலாது"

பொதுவாக மேலே உள்ள கூற்றை சினிமா துறையில் நாம் பெரிதாக காண இயலாது. சினிமா என்பது இன்று, இப்போது மக்கள் எதை விரும்புகிறார்களோ எதை ரசிக்கிறார்களோ அதனை சுற்றியே திரியும் ஒரு ஊடகம். வெகு சிலரே இந்த வழக்கத்தை மாற்றி அமைத்து தங்களது சிந்தனையை மக்களிடம் வெள்ளி திரைகளின் மூலம் புகுத்தி  அவ்வப்போது சினிமாவை மாற்றி அமைத்தனர்.

வால்ட் டிஸ்னி- அனிமேஷன் படங்கள்
ஜார்ஜ் லூகாஸ்- ஸ்டார் வார்ஸ் சீரிஸ்
ஸ்டீவன் ஸ்பீல்பெர்க்- மெகா பட்ஜெட்கள்
ஆல்ப்ரேட் ஹிட்ச்கோக்- சஸ்பென்ஸ் படங்கள்

Walt Disney

George Lucas

Steven Spielberg

Alfred Hitchcock

இவர்களைப் போன்ற வரலாற்றின் தலைசிறந்த பட எழுத்தாளர்கள்/இயக்குனர்கள் தங்களது சிந்தனையாலும் எழுத்தாலும் காலம் கடந்து நிற்கின்றனர். அவர்கள் வரிசையில் நான் கண்டு வியந்த ஒருவர் பற்றியும், அவரால் இப்போது பிரமாண்டமாக விரிந்து நிற்கும் மார்வெல் படங்களை பற்றியும் ஒரு நீண்ட அலசல்.

நாம் திரையில் காணும் ஒட்டு மொத்த அவெஞ்சர்ஸ் கதையும், அவெஞ்சர்ஸ்களின் கதைகளும், அதன் உள்ளடக்கமாக வரும் TV ஷோக்களும் ஒரே தொடர்ச்சியாக, ஒரே களத்தில் ஒரே உலகத்தில் நடக்கும் நிகழ்வுகள். அவெஞ்சர்ஸ்- உலகை உலுக்கும் அச்சுறுத்தல்களை தடுக்கும் சக்திகள். மார்வெல் TV ஷோக்களில் வரும் Daredevil, Jessica Jones, Iron Fist, Luke Cage போன்றவர்கள் நமது அருகில், அக்கம்பக்கத்தில், தெருக்களில் நடக்கும் அநியாயங்களை தட்டிக் கேட்கும் The Defenders எனப்படும் கூட்டு ஹீரோக்கள்.

கூடவே Agent Carter, Agents of SHIELD, Inhumans, என வேறு டிவி தொடர்களையும் ஒருங்கிணைத்துக் கூற பயன்படுத்தும் சொல் தான் 'மார்வெல் சினிமா பிரபஞ்சம்/Marvel Cinematic Universe'. பயன்பாட்டுச் சுருக்கமாக 'MCU'

அடுத்த வருடம் ரிலீஸ் ஆகும் அவெஞ்சர்ஸ்: இன்பினிட்டி வார் மூலம், மார்வெல் ஸ்டுடியோஸ் தனது MCUவின் 10ஆம் ஆண்டில் காலடி வைக்கின்றது. அதனை கொண்டாடும் விதமாக MCU வின் வரலாற்றையும் அதன் வெற்றிக்கான காரணங்களையும், பின்னாளில் அவெஞ்சர்ஸ் கதைகள் எவ்வாறு படமாகலாம் எனவும், குறைந்தது 8ல் இருந்து 10 கட்டுரைகளாக எழுத முடிவெடுத்துள்ளேன். குறிப்பாக MCU வின் தந்தையாக இருந்து தொடக்கம் முதல் அதன் வளர்ச்சிக்கும் வெற்றிக்கும் பாடுபடும் மார்வெல் ஸ்டுடியோசின் தலைவர் அவர்களை பற்றியும் எழுதவும் எனது நீண்ட நாள் ஆசை. நான் ரசித்ததைப் போல் MCUவை உங்களையும் ரசிக்க வைக்கவே இந்த ஒரு முயற்சி. முழு கட்டுரைகளையும் படித்த பின்பு இப்போ ரசிப்பதை விட மேலும் பல மடங்கு நீங்கள் MCUவை ரசிக்க வேண்டும் என்பதே என் விருப்பம்.

கட்டுரை:1 MCU உருவான வரலாறு

MCU உருவாக்கத்திற்கு முன்பு, காமிக் புத்தகங்கள் தயாரித்து விற்பனை செய்து வந்த Marvel Comics நிறுவனம் 'மார்வெல் என்டேர்டைன்மெண்ட்' எனும் பெயரில் தங்களது காமிக் கதாபாத்திரங்களை, வேறொரு படத் தயாரிப்பு நிறுவனங்களுடன் கைக் கோர்த்து தனித்தனி படங்களாக தயாரித்து வெளியிட்டு வந்தது. உதாரணத்திற்கு;
'New line cinema' உடன் Blade series
'Universal' உடன் Hulk
'Columbia Pictures' உடன் Spider-man
'20th Century Fox' உடன் X-Men series

இவைகளில் குறிப்பாக ஸ்பைடர்மேன் 1,2 & X-மென் 1,2 ஆகியன சூப்பர்ஹீரோ படங்களின் வெற்றிகளை உலகிற்கு உரக்கச் சொன்ன படங்கள். நான்குமே மக்கள் மத்தியிலும், வியாபார ரீதியிலும் நல்ல வரவேற்பை பெற்று நவீன கால சூப்பர்ஹீரோ படங்களுக்கு வேராக இருந்தன. குறிப்பாக காமிக் விரும்பிகளுக்கு. தங்களுக்கு விருப்பமான காமிக் கதாபாத்திரங்களை வெறுமனே புத்தகங்கள் மற்றும் உயிரில்லா டிவி கார்ட்டூன் படங்களாகவே பார்த்த அவர்களுக்கு, பெரிய திரையில் நிஜ நடிகர்கள் நடித்து பெரிய பட்ஜெட்களில் பார்க்கும்போது மெய் சிலிர்த்து ரசிக்கத் தொடங்கினர்.

 

நவீன கால சினிமா உலகில் ஒரு புதிய புரட்சி உருவாகிக் கொண்டு இருப்பதை அமைதியாக அருகில் இருந்து கவனித்துக் கொண்டு வந்தார் அந்த மனிதர். X-மென் முதலாம் படத்தில் இணை-தயாரிப்பாளராக பணியாற்றிக் கொண்டு இருந்த அவர் அப்போ 25+ வயதில் இருந்தாலும் 15 வயது சிறுபையன் போல் காமிக் புத்தகங்களின் வெறியனாக இருந்தவர்.  X-மென்:1 பட தயாரிப்பின் ஒவ்வொரு காட்சியிலும் தான் ரசித்த காமிக் புக் விஷயங்கள் மக்களுக்கு பெரிய திரையில் தெரிய வேண்டும், அவர்களும் ரசிக்க வேண்டும் என்பதில் குறியாக இருந்து வேலை செய்து வந்தார். இளம் வயதில் இவ்வளவு துடிப்பாக செயல்படுவதை கண்டுக்கொண்ட அப்போதைய மார்வெல் என்டேர்டைன்மெண்ட் நிறுவனத்தின் முதன்மை அதிகாரி- Avi Arad, அந்த மனிதரை அழைத்து தனக்கு கீழ் செயல்படும் second-in-commandஆக துணை நிறுவனராக, தனது மார்வெல் நிறுவனத்தில் பணி புரிய அழைத்தார். காமிக் உலகமே தன் உலகம் என வாழ்ந்து வந்த அந்த மனிதனுக்கு அந்த உலகையே கட்டி ஆளும் ஒரு பொறுப்பு தேடி வர, முழு மனதாக ஏற்று கொண்டார்.

Avi Arad

நிர்வாக இயக்குனராக அவர் பணியாற்றிய Spider-man 2 படத்தின் உச்சகட்ட பெரும் வரவேற்பு, 'அந்த' ஒரு யோசனையை முதன் முதலாக அவரின் மூளையில் விதைக்கிறது. (இணைத்தயாரிப்பு மட்டுமே கவனிப்பதால் தயாரித்த படங்களின் வசூலில் ஒரு சிறு பகுதி மட்டுமே மார்வெல்க்கு வந்து சேரும். மற்றவை எல்லாம் படத்தை தயாரிக்கும் பெரும் நிறுவனத்துக்கே போய் சேரும்). அந்த யோசனை யாதெனில்- ' நம் காமிக்ஸ் கதாபாத்திரங்களை மற்ற நிறுவனங்களுக்கு உரிமைகளைக் கொடுத்து தயாரிக்க சொல்லாமல், ஏன் நாமலே தயாரித்து முழு கட்டுப்பாடையும் நம்மிடமே வைத்து கொள்ளக்கூடாது' என. இந்த யோசனையை தனது மேன்மை அதிகாரி- Avi Arad இடம் சொல்கிறார், அந்த மனிதர். இதை Avi Arad தொடக்கத்தில் விரும்பவில்லை. Avi Arad ஸ்பைடர்மேன் படங்களை தயாரிப்பதில் குறியாக இருந்தார். ஆனாலும் அந்த மனிதர் விடாமல், நிறுவனித்தில் இருக்கும் மற்ற அதிகாரிகளிடம் தனது கனவை முழுதாக விளக்கி ஒரு வழியாக அனைவரையும் சம்மதிக்க வைக்கிறார். Avi Aradக்கு இது பிடிக்காமல் போக, தலைமை பொறுப்பில் இருந்து விலகி மார்வெல் நிறுவனத்தை விட்டு வெளியேறி SONY நிறுவனத்திற்கு செல்கிறார். Avi Arad  வெளியேற, நிறுவனத்தை வழிநடத்த யாரும் இல்லாமையால் அந்த மனிதனின் யோசனையையும் மற்றவர்கள் கைவிட, வேறு வழியில்லாமல் மார்வெல் என்டேர்டைன்மெண்ட் நிறுவனத்தை நிர்வாகிக்கும் பொறுப்பை தானே முழுமையாக ஏற்றுக்கொண்டார் அவர். 

2007ல் மார்வெல் என்டேர்டைன்மெண்ட் நிறுவனத்தின் துணை நிறுவனமாக, தனியாக படங்கள் தயாரிக்கும் தயாரிப்பு நிறுவனம் ஒன்றை தொடங்கினார். அந்த துணை நிறுவனத்தின் பெயர்- MARVEL STUDIOS. 33 வயதில் தனது வாழ்நாள் கனவை 2005ல் செயல் படுத்த தொடங்கினார் அந்த மனிதர். தனது மேன்மை அதிகாரிகளிடம் சொன்ன அந்த யோசனை, அவரது வாழ்நாள் கனவு இது தான்- "5 காமிக்ஸ் சூப்பர்ஹீரோ படங்கள் தனித்தனியாக தயாரித்து ரிலீஸ் செய்து, பின்பு அவர்கள் அனைவரையும் ஒன்று சேர்த்து ஒரு பெரிய படம் செய்யலாம்". காமிக்ஸ் புத்தகங்களில் இந்த மாதிரி செயல்பாடு நிறையவே வந்து இருந்தாலும், இதை வெள்ளித்திரை படங்களாக மாற்றுவது அப்போது விபரீத முயற்சியாகவே பார்க்கப்பட்டது. யாராக இருந்தாலும் துணிந்து தயாரிக்க மிகவும் யோசிப்பார்கள். யோசித்தார்கள்.

ஆனால் MARVEL STUDIOS துணிந்தது. அந்த மனிதர் துணிந்தார். 2006ன் தொடக்கத்தில் அந்த 5 சூப்பர்ஹீரோக்கள் யாரெனவும் முதலில் எந்த ஹீரோவின் தனி படத்தை ஆரம்பிக்கலாம் என யோசித்து IRON-MAN, HULK, CAPTAIN AMERICA, THORஐ தேர்வு செய்து, தனது கனவின் தொடக்கமாக, மார்வெல் சாம்ராஜ்யத்தின் ஆதியாக IRON MANஐ முதல் படமாக தேர்வு செய்து செயல் படுத்த தொடங்கினார்.

ஐயன்-மேன்னை தேர்வு செய்தது மாபெரும் விபரீத முயற்சி ஆக தோன்றியது. ஏன் என்றால் முற்றிலும் கம்ப்யூட்டர் கிராபிக்ஸ் முறையில் மட்டுமே ஐயன் மேன்னை திரையில் கொண்டு வர முடியும். பட்ஜெட் செலவும் அதிகமாகும். அது மட்டும் இன்றி அந்த வருடத்தில் ரிலீஸ் ஆன மற்றொரு சூப்பரஹீரோ படமான Spider-Man:3 ரசிகர்கள் மத்தியிலும் விமர்சகர்கள் மத்தியிலும் எதிர்மறையான விமர்சனங்கள் பெற்றது. ஆதலால் அனைவரும் ஐயன்-மேன் படம் தோல்வியே ஆகும் என முடிவுடன் இருந்தனர். எவ்வளவு விமர்சனம் வந்தாலும் தனது கனவில் உறுதியாக இருந்த அந்த மனிதன், ஐயன் மேன்னை உருவாக்கும் நோக்கத்தில் துரிதமாக இருந்தார்.

படத்தின் பெரும் பட்ஜெட்டை நிவர்த்தி செய்ய, படத்திற்கு பைனான்ஸ் செய்து பண உதவி அளிக்க வைக்க, அந்த மனிதன் ஒரு திட்டம் தீட்டினார். பெரும் செலவில் ILM எனும் நிறுவனம் மூலம், சுமார் ஒரு நிமிடம் ஓடக் கூடிய காட்சி ஒன்றை முழுக்க கிராபிக்சில் ஐயன் மேன் பறந்து செல்வதைப் போன்று உருவாக்கி அந்த காட்சியை டெஸ்ட் footage ஆக ரிலீஸ் செய்ய, அது பெரும் வரவேற்பைப் பெற்றது. இது வரை யாரும் ஐயன் மேன்னை பெரிய திரையில் பார்க்காததால், அந்த டெஸ்ட் footage கொடுத்த நம்பிக்கை & ஆர்வம், படத்தை பைனான்ஸ் செய்ய பலரை உந்தியது.

Iron-Man test footage: https://youtu.be/UmIwqzJvlsA

பட்ஜெட் ஒருவழியாக சரியான பின்பு, மற்றொரு பெரும் தலைவலி வந்தது. ஐயன் மேன் நடிகராக யாரை நடிக்க வைப்பது என!. ஐயன் மேன்னை திரைக்கு கிராபிக்ஸ் உதவியுடன் எளிதில் கொன்டு வந்து விடலாம் ஆனால் படத்தின் மொத்த பாரமும் டோனி ஸ்டார்க் எனும் மனிதக் கதாபாத்திரம் மேல் உள்ளமையால், அதற்கான சரியான நடிகரை தேர்வு செய்வதில் குழப்பம் ஆனது. நிறைய குழப்பங்களுக்கு பின் Robert Downey Jr. தேர்வானர்.  ராபர்ட் தனது திரை உலக வாழ்வின் இரண்டாம் இன்னிங்ஸை அப்போது தான் ஆரம்பித்து இருந்தார். 2003க்கு முன்பு வரை குடி மற்றும் போதைப் பழக்கத்திற்கு அடிமையாகி சிறைக்கு சென்று போதை பழக்கம் விட்டு போக ஆஸ்ரமங்களில் தஞ்சம் புகுந்து முற்றிலும் வேறு மனிதராக 2003ல் வந்தார் ராபர்ட் டௌனே. அவரை அவெஞ்சர்ஸ் தலைவனாகவும் டோனி ஸ்டார்க் ஆகவும் பார்க்க ரசிகர்கள் மற்றும் தயாரிப்பு தரப்பில் எதிர்ப்பு வலுத்தது. ராபர்ட் நடித்துக் காட்டிய ஆடிஷன் காட்சி மற்றும் கதையின் மேல் கொண்ட நம்பிக்கை, ராபர்ட் தான் தனது ஐயன் மேன் என்பதை மனதில் உறுதியாக்கியது அந்த மனிதனுக்கு. MCU வின் தலைவன்/டோனி ஸ்டார்க்/ஐயன் மேன் இவர்தான் என MCU அறிமுக விழா ஒன்றில் ராபர்ட்டை தடாலடியாக அறிவித்தார் அந்த மனிதர்.

சர்ச்சைகள் தாண்டி, 2008ல் மே மாதம் IRONMAN ரிலீஸ் ஆனது. பட்டித் தொட்டியெங்கும் வசூலில் பட்டையைக் கிளப்பியது. யாரும் எதிர்பாரா வண்ணம் ராபர்ட் உலக புகழ் பெற்றார்- ஒரே படத்தில்- டோனி ஸ்டார்க்காக. ஸ்பைடர்மேன், சூப்பர்மேன், பேட்மேன் மட்டுமே தெரிந்து வளர்ந்த குழந்தைகள் ஐயன் மேன் மேல் காதல் கொண்டனர். ஐயன் மேன் பொம்மைகள் வரலாற்று சாதனையாக விற்று தீர்ந்தன. இளைஞர்கள் டோனியை போல் மீசையும் தாடியும் வைக்க தொடங்கினர்.

ஐயன் மேன் படத்தை விட, படத்தில் அவெஞ்சர்ஸ்காக கொடுக்க பட்ட ஒரு தொடக்கம்/Lead இன்னும்பரபரப்பாக பேசப்பட்டது. வெறுமனே படத்தின் கதையில் ஆங்காங்கே லீட் கொடுக்காமல், படம் முடிந்து படத்தில் பணியாற்றியவர்கள் அனைவரையும் end cardல் நன்றி செலுத்திய பின், அடுத்த படத்துக்கான தொடக்கம் கொடுக்கும் காட்சிகளை வைக்க அந்த மனிதர் முடிவு எடுத்தார். இவ்வாறு செய்கையில் இந்த படக் கதையின் ஓட்டத்தையும் பாதிக்காமல், அடுத்த படத்தின் டீஸராகவும் உறுத்தலாக தெரியாமல், இந்த படத்தின் ஒரு அங்கமாகவும் ஒரு தொடர்ச்சியாகவும் பார்க்க வைக்கலாம் என சமயோசிதமாக செயல்படுத்தினார். பின்னாளில் இந்த end-credit காட்சிகளே மார்வெல்லின் தனித்துவம் ஆகி நிற்கிறது.

ஐயன் மேன்னை தொடர்ந்து Hulk, Iron Man2, பின்பு Thor, அப்புறம் கேப்டன் அமெரிக்கா என நான்கு படங்களை வெளியிட்டார் அவர். எல்லாமே ஹிட் ஹிட் ஹிட். ஹாலிவுட் வட்டாரமே வியந்து பார்த்தது. நான்கு ஹீரோகளுமே எளிதில் திரைக்கு கொண்டு வர இயலாத கதாபாத்திரங்கள். நான்கு பேரையும் இதற்கு முன் திரையில் யாருமே கண்டது இல்லை. ஆனாலும் ஒவ்வொரு படமும் பெரும் லாபத்தை சம்பாதித்தது. இணையதளங்கள் முழுக்க அவெஞ்சர்ஸ் யார் அவர்களுக்கும் டோனி ஸ்டார்க்கிற்கும் என்ன சம்பந்தம்? தோர் கதை தான் என்ன? கேப்டன் அமெரிக்கா என்ன ஆவான்? என விவாதிக்க தொடங்கினர். அவெஞ்சர்ஸ் பற்றி தெரியாதவர்கள் கூட இணையத்தில் அவர்களை பற்றி தேட ஆரம்பித்தனர்.  படிக்க ஆரம்பித்தனர்.

2010ல் அவெஞ்சர்ஸ் படத்திற்கான படப்பிடிப்பு தொடங்கியது. ஈகோ பிடித்த பணக்கார அறிவாளி, கோபத்தைக் கட்டுக்குள் வைக்க பாடுபடும் விஞ்ஞானி, 1940ல் இருந்து இன்னும் வயதாகாமல் தேசத்திற்கு தன்னை அர்ப்பணித்த வீரன், வேற்று கிரகத்தின் அரசனும் இடி மின்னலின் தலைவன் ஒருவன், விபரீத மருத்துவ முயற்சிகளாலான மேம்பட்ட உளவாளி ஒருவள், குறிபார்த்து அம்பு எய்வதிலும் சகல தற்காப்பு கலைகளிலும் கைத் தேர்ந்த மற்றொரு உளவாளி, இவர்களை கொண்டுத்தான் இதுவரை தான் கண்ட 10 வருட கனவின் முதல் கால்பகுதியின் (1/4) வெற்றியைக் 2012ல் அவெஞ்சர்ஸ் மூலம் கண்டார் அந்த மனிதர்.  முந்தைய இதே ஹீரோக்களின் தனித்தனி படங்களில் அதில் நடித்த நடிகர்களை கொண்டாடிய ரசிகர்கள், அவெஞ்சர்ஸில் படத்தின் இயக்குனர் ஜோஸ் வீடொனையும், தயாரிப்பாளரான அந்த மனிதரையும் புகழ்ந்து கொண்டாடினர். யாரும் நினைத்துக் கூட பார்க்க முடியாததை முடித்துக் காட்டிவிட்டு, பெரிதும் அலட்டிக் கொள்ளாமல் அவெஞ்சர்ஸ் படத்தொடர்ச்சியின் இரண்டாம் மற்றும் மூன்றாம் அத்தியாயத்தை செயல்படுத்தும் திட்டத்தில் அமைதியாக வேலை செய்யத் தொடங்கினார் அவர்.

Joss Whedon
(Director of Avengers 1& 2)

தனது நிறுவனத்தின் தயாரிப்புகள் 2008ல் ஆரம்பித்து இன்று வரை மிகவும் வெற்றிகரமாக, புகழ் வாய்ந்ததாக, பில்லியன் அமெரிக்கா டாலர்களில் வியாபாரத்தை பெருக்கிக் கொண்டு தனிக் காட்டு ராஜாவாக திகழ்ந்து வந்தாலும், 2003ல் எவ்வாறு ஒரு சிறுப்பையன் போல் காமிக்ஸ் உலகமே கதி என கிடந்தாரோ, இப்போது அதே காமிக்ஸ் உலகில் ஒரு புரட்சியை ஏற்படுத்தி உலகையே திரும்பிப் பார்க்கச் செய்துள்ளார். ஆனாலும் இந்த சலசலப்புகள் ஆர்பாட்டங்கள் எதுவும் இல்லாமல் இப்போது அந்த மனிதன் 4ம் அவெஞ்சர்ஸ் படத்தை எவ்வாறு மக்களுக்கு கொடுக்கலாம், எவ்வாறு அடுத்த தலைமுறைக்கான படங்களை வடிவமைக்கலாம் என்பதில் சிந்தனையில் மூழ்கி யோசித்துக் கொண்டிப்பார் அந்த அவெஞ்சர்ஸ் படங்களின் தந்தை/தலைவன்/பிதாமகன்.

அந்த தலைவனின் பெயர்- KEVIN FEIGE. மார்வெல் ஸ்டுடியோஸின் பெருமைமிகு President. MCUவின் அஸ்திவாரம். முன்னோடி. Kevin Feigeஇன் கலைப் பயணத்தை போலே நமது  கனவுகள் எல்லாம் பலித்திட, எத்தனை தடைகள் வந்தாலும் அவை எல்லாவற்றையும் உடைத்து எறிந்து, தைரியமாக நம்பிக்கையாக முன்னேறி செல்வோமாக. கனவுகள் மெய்ப்படும்.

'ALL OUR DREAMS CAN COME TRUE, IF WE HAVE THE COURAGE TO PURSUE THEM’. – WALT DISNEY

'நாம் கண்ட கனவுகள் யாவும் பலிக்கும்,
அதை தொடர்ந்து செல்ல நம்மிடம் தைரியம் இருந்தால்'. -வால்ட் டிஸ்னி

Black PANTHER- An Intro (தமிழ்)

Civil War- Black Panther

இந்நேரம் கிட்டத்தட்ட எல்லாருமே அருமையான #CivilWar படத்தினை பார்த்து இருப்போம். ஒரு சிலர் ரெண்டு மூன்று தடவை கூட பார்த்து இருக்கலாம். உலகம் முழுதும் Box-Officeஇல் Civil War பட்டய கிளப்புவதிலே, Marvelன் சிறந்த படமாக மட்டும் இல்லாமல், Superheroes படங்கள் வரலாற்றிலே ஒரு முக்கிய படம் என எளிதாக தெரியவருது. ஏகப்பட்ட Superheroes படத்தில் இருந்தாலும், IronMan, Captain Americaவிட கொஞ்ச நேரமே வரும் #BlackPanther மற்றும் #Spiderman தான் படத்தின் major attraction. பெரிதாக காமிக்ஸ் படிக்காதவர்களுக்கு கூட இப்போது Spiderman ஒரு favorite Superhero. உபயம்: இதுவரைக்கும் வந்த 5 ஸ்பைடர்மேன் படங்கள். அதனால், சூப்பர் ஹீரோ குழுமத்துக்குள் புதிதாக வந்து இருக்கும் Black Panther, அவனது வரலாறு அவனது மற்றும் MARVELஇன் படங்களில் அவனது முக்கியத்துவம் குறித்து ஒரு சின்ன Intro இங்கே. (ஒவ்வொரு பாயிண்ட்டையும் relate செய்ய imageம் இணைத்துள்ளேன். பத்து பாயிண்ட் பத்து image)

1) Civil Warஇல் ப்ளாக் பாந்தராக நடித்து இருப்பவர் Chadwick Boseman. இவரின் கேரக்டர் T'Challa. Black Panther எனப்படுவது ஆப்ரிக்காவில் ஒரு கற்பனை நாடான 'வாகான்டா'வில் பரம்பரை பரம்பரையாக ஒருவருக்கு கொடுக்கப்படும் பதவி. Black Pantherஆக தேர்ச்சி பெரும் ஒருவன் வாகான்டா, அதன் பழங்குடியினர், அதன் வளங்கள் அனைத்தையும் கட்டிக் காப்பவன் ஆவான்.

2) வாகான்டா ஒரு பழங்குடி நாடு. ஆனாலும் மொத்த Marvel Comics உலகத்திலயே பணபலமும் செல்வமும் மிகுந்த நாடு. அறிவியலையும் பழமையையும் ஒருங்கே பெற்ற தொழில்நுட்பத்தில், மேம்பட்ட நாடு. வாகாண்டவில் மட்டுமே உலகிலே வலிமையான Vibranium எனப்படும் உலோக வளம் உள்ளது. Captain Americaவின் கேடயம்ஆகவும், Winter Soldierஇன் உலோக கையாகவும், Ultronஇன் உடலாகவும் பயன்படுத்த பட்டுள்ளது இந்த வைப்ரெனியம். Black Pantherஇன் முழு உடல் கவசமும் வைப்ரேனியத்தால் ஆனவையே.

3) வாகாண்டா மக்களை Civil Warஇல் தான் முதன் முதலில் காட்டப்பட்டாலும், இதற்கு முன்பே அதனை பற்றிய குறிப்புக்கள் முந்திய மார்வெல் படங்களில் சொல்ல/கொடுக்கப்பட்டுள்ளது. IronMan-2இல் S.H.I.E.L.Dஆல் கண்காணிக்கப்படும் ஒரு பகுதியாக Wakanda காண்பிக்கப்பட்டது. அதே போல் Avengers-2இல் நேரடியாகவே Bruce Banner(Hulk)ஆல் அறிமுகப்படுத்தபட்டது.

4) மேலும் Age of Ultronல், 'Ulysses Klaue' என்பவன் அறிமுகபடுத்தப்பட்டான். South Africa வில் இயங்கும் இவன் கள்ளத்தனமாக ஆயுதம் விற்பவன், கடத்தல்காரன், கடத்தல் கும்பலின் தலைவன் கூட. மேலும் அந்த படத்தில் Ultronக்கு வைப்ரெனியம் கொடுத்து உதவியவனும் இவனே. படத்தில் காண்பிக்கப்பட்ட இந்த 'Ulysses Klaue', காமிக்ஸில் ப்ளாக் பாந்தர் கதையில் வரும் 'Klaw' எனப்படும் கதாபாத்திரத்தின் தழுவல். காமிக்ஸில் 'Klaw', ஒலியை ஆற்றலாக வெளியிடும் கருவி (Sonic emitter) ஒன்றை செயற்கை கையாக வலது பக்கம் பொருத்தி இருப்பான். இதுபோலவே 'Age of ultron' படத்தில், வில்லன் Ultronஆல், 'Klaue' தனது இடது கையை இழந்து இருப்பான். அடுத்த வருடம் வெளி வர இருக்கும் 'பிளாக் பந்தரின்' தனி படத்தில், KLAUEவும் ஒரு முக்கிய வில்லன். ஆகையால் காமிக்ஸை போலவே KLAUEவும் Sonic emitterஉடன் வருவதற்கு வாய்ப்புகள் அதிகம்.

5) காமிக்ஸில் T'Challaவின் அப்பா மன்னர் T'Chakaவை கொள்பவன் 'Klaw'. அப்பா இறந்தமையால் மகனாகிய T'Challaதான் அடுத்த ப்ளாக் பாந்தர் ஆக தகுதி உள்ளவன். பதவி வந்து சேர்ந்த உடனே T'Challa, 'Klaw'வை கொல்ல துடிப்பான் . ஆனால் Civil War படத்தில் T'Chakaவை Bucky கொள்வதாக மாற்றி இருப்பார்கள். படத்திலும் அப்பாவை கொன்ற Buckyயை ப்ளாக் பாந்தராக கொல்ல துடிப்பான் T'Challa.

6) Black Pantherஇன் சக்திகள்: மனித சக்திக்கு அப்பாற்பட்ட சுறுசுறுப்பு, வலிமை, உணர்வு, வேகம், உடல்திறன், மேலும் 'ப்ளாக் பாந்தர்' அறிவு (அதாவது முந்திய ப்ளாக் பாந்தர்களின் அறிவும், வலிமையும், அனுபவமும் இப்போதைய ப்ளாக் பாந்தர்க்கு கிடைக்க பெரும்).

7) Black Pantherஇன் திறன்கள்: மேதைமிகு அறிவாற்றல், தந்திரசாலி, சண்டைகளிலும், குறிவைப்பதிலும், ஆயுதங்கள் ஏந்துவதிலும் தேர்ச்சிப்பெற்றவன், வேட்டையாடி எதிரிகளை பிடிப்பதில் சிறந்தவன். பலமொழிகள் பேசுபவன்.

8) காமிக்ஸில் ப்ளாக் பாந்தரின் மனைவி, 'Ororo Munroe'. இவள் வானிலையை கட்டுப்படுத்தும் ஒரு Mutant. யாரோ!! என தெரிந்தது போல் பொறி தட்டுதா?? வேற யாரும் இல்ல. அனைத்து X-Men படங்களிலும் வரும் 'Storm' தான் அது. X-Menஐயும் Avengersஐயும் இப்போதைக்கு ஒன்றாக பார்க்க வாய்ப்பில்லை என்பதால் Stormஐயும் Black Pantherஐயும் சேர்த்து பார்க்கவும் வாய்ப்பில்லை.

9) Black Pantherஐ உருவாக்கியவர்கள் Stan lee & Jack Kirby. மார்வெல் காமிக்ஸின் பிதாமகர்கள். இதில் Stan lee, மார்வெலின் அனைத்து படங்களிலும் ஒரு Guest appearance செய்து இருக்கிறார். இனி மேலும் செய்வார்.

10) Black Panther கதாபத்திரம் முதன்முதலாக 1966ல் வெளியான 'Fantastic Four issue#52'இல் அறிமுகப்படுத்தபட்டது. சரியாக 50 வருடங்கள் கழித்து, 2016இல் முதன்முதலாக ப்ளாக் பாந்தர் கதாபத்திரம் இப்போது வெள்ளித்திரையில்.

If you like my write-up, then please do SHARE and keep Following 'Media Creek' for other interesting articles. Your feedbacks and supports are always needed for me, to get going. :)

BLACK PANTHER- An Intro (English)

Civil War - Black Panther

By now, majority of us, would have watched the super cool #CivilWar already. Some might even have watched it, in multiple counts. The movie is now easily the best of Marvel and even one of the best superhero movie ever made. The strong box-office results all over the globe is proving this point of mine. Of all the Superheroes we had in the movie, there is no denying that #Spiderman and #BlackPanther were the ones that really stole the show, given their brief appearances. Spiderman is now relatively, the most popular superhero, even for a non-comic reader, courtesy the 5 solo spderman movies we have had. So I thought of sharing a short description about our newer superhero- Black Panther. This post details on who is Black Panther & his history, his powers and his importance in the Marvel movies. (Plz do relate every point with its equivalently numbered images. 10 images & 10 points)

1) Black Panther in the movie Civil War, is been portrayed by Chadwick Boseman as T'Challa. In the comics, Black Panther is a hereditary title that is passed on from person to person, in the fictional african country called Wakanda. Once a person earns the title Black Panther, he becomes the King and the protector of Wakanda, its tribes, and its resources.

2) Wakanda is a tribal country and it is the most richest and wealthiest in the whole Marvel comics. It is a technologically advanced land that blends super-science with the traditions of tribal life. Its the only place on earth with the resources of the vibranium- the strongest metal on earth. Captain america's Shield, Winter Soldier's Metal arm, and Ultron's body all were made from Vibranium. Vibranium is also forged into Black Panther's body armor.

 

3) Though we see the people of Wakanda, for the first time, in Civil war, there were certain hints or references about the country in previous Marvel movies. In Iron Man-2, Wakanda was marked as a "hot-spot" for activities monitorized by S.H.I.E.L.D. And in #AgeOfUltron, Wakanda is directly mentioned by Bruce Banner.

4) Also in Age of Ultron, we get to see a character called 'Ulysses Klaue'(Played by Andy Serkis)- a black-market arms dealer, smuggler and gangster operating out of South Africa and the one who gives Vibranium metal to Ultron. This is actually a modified version of comic character called 'Klaw', a major Black Panther villain, who wears a sonic emitter as a prosthetic for his right hand. In the movie we get to see him losing his left arm in an argument with Ultron. Since 'Klaue' is confirmed as one of the villains in the upcoming Black Panther's solo movie, we might see him return as his comic counter-part with the sonic emitter.    

5) In the comics 'Klaw' is the one who kills T'Chaka (Father of T'Challa). After his father was killed, T'Challa dons the Black Panther suit, mainly to kill Klaw. But in Civil War, T'Chaka is killed in a bombing caused by Bucky (Winter Soldier). So after the death of his father, T'Challa becomes the Black Panther and avenges to kill Bucky, similar to the comic story arc.

6) Black Panther's powers includes Superhuman agility, Superhuman strength, Superhuman senses, Superhuman stamina, Superhuman durability, Superhuman speed, Healing factor, and Black Panther Knowledge (the power to draw all the knowledge, strength, and every experience from every previous Black Panther). And adding a Vibranium made Body suit, he is absolutely invulnerable to any threats.

7) Black Panther's abilities includes Genius-level Intellect ,Master Combatant, Weapons Master, Master Acrobat, Expert Marksman, Master Tactician, Expert Tracker & Hunter, Multilingual, Master Inventor.

8) In the comics, Black Panther is married to 'Ororo Munroe'. She is a weather manipulating mutant and a prominent member of X-Men called as 'Storm'.

9) The Godfathers of Marvel comics, Stan Lee and Jack Kirby, are the creators of the character Black Panther. And Stan lee appears in a cameo role, in every Marvel movies being produced. (Including Avengers: Age of Ultron, Ant-Man, Civil War)

10) Black Panther, for the first time, was introduced in 1966 in the #FantasticFour issue #52, in comics. Exactly, 50 years later, we now have him as a live action character in a movie.

If you like my write-up, then please do SHARE and keep Following 'Media Creek' for other interesting articles. Your feedbacks and supports are always needed for me, to get going. :)